Sunday School hi Kuki Baptist Convention adia Pathen natohna thupi khat ahi toh lhon in KBC Sunday School hi 1960 kum in ahung kipan in, tuni chan in Pathen lungset najallin akikalson jingin Pathen thangvah nale choi-atna ipeu-vin ahi.

Chuleh, Sunday School ahoi jep dingle, akhantou ding gel khohna aum jeh in KBC Literature and Publicatiion hi atum'a aumlou akhoh na aum jeh in 2001, 45th Annual Assembly , United Sapermeina kilolna no. 13, 48, 2001 in Literature and Publication atum'a kivaihom dinga deisah ahi jeh in Constitution revision draft ah ahung pangin, approved akibol dungjui'in, Rev. Thangsat Kipgen, Youth Secretary in members ho cheng toh Literature and Publication avetsui tha dingin pha akisan mopohna ana kipe tai. Aphat dungjui jin 50th Anniversary KBC Assembly 2003 Centre Church Kangpokpi munna Chairman in Pu Jamkhothang Haokip lhendoh ana hitai. Anoija hin Lamkai masa ho min kahin tahlang in ahi:

SECRETARIES
1.  Rev. Thangsat Kipgen 2001 – 2003
2. Miss Lhingboi Kipgen 2004 – 2007
3. Rev. Lamkeng Lhouvum 2008 – 2012
4. Rev. Tunlal Haokip 2013 – 2015
5. Rev. Haoneo Haokip 2016 – 2019
6. Rev. Thangkhosei Haokip 2020 – 2023
7.  Rev. Lunzalen Khongsai 2024

CHAIRMAN
1.  Pu Jamkhothang Haokip 2003 – 2006
2. Pu Kamboi Kipgen 2007 – 2010
3. Pu Lhunthang Kipgen 2011 – 2014
4. Dr. Haolet Lupheng 2015 – 2016
5. Pu Tonghen Kipgen 2017 – 2018
6. Pu Thongkholun Haokip 2019 – 2022
7.  Pu Lhunthang Kipgen 2023 – 2024

Kum 1960 a ana kipan KBC Sunday School khantou machal ding gelkhoh najalla lungthim, tha le jung sum le pai'a pan ana la ho amin cheh in kimin phah jou tahih jong le nachung cheh uva Kipana sangtah kahin phong in ahi.

Hiche website hin adoi le atup thupipen chu Kuki Baptist Convention Sunday School khantou machal ding deisah najalla hung kisem ahi tah jeh in malam hinkho a chate ngailut najalla lunggel, ngaito apha ding ho a kijah mat jing thei ahi.

Kakipah-e.